స్వతంత్ర నగర్లో మలేరియా, డెంగీ దోమల నివారనపై ప్రజలకు అవగాహన ర్యాలీలో పాల్గొన్న 7వవార్డ్ కార్పొరేటర్, స్టాండింగ్ కమిటీ మెంబెర్ పిళ్ళా మంగమ్మ.
మధురవాడ : వి న్యూస్ ప్రతినిధి : ఆగష్టు 30:
మధురవాడ స్వతంత్ర నగర్లో మలేరియా, డెంగీ దోమల నివారనపై ప్రజలకు అవగాహన ర్యాలీ నిర్వహించారు. 7వవార్డ్ కార్పొరేటర్, స్టాండింగ్ కమిటీ మెంబెర్ పిళ్ళా మంగమ్మ వార్డులో ప్రజలు మలేరియా, డెంగీ బారిన పడకుండా ఉండేవిధంగా దోమల నివారణకు చర్యలు తీసుకోవాలని అధికారులను కోరటంతో జోన్2 మలేరియా ఇన్స్పెక్టర్ మంగరాజు 7వ వార్డ్ మలేరియా, డెంగీ నివారణ సిబ్బందికి ఆదేశాలు జారీ చెయ్యటంతో 7వవార్డ్ సూపెర్వైసర్ సత్యనారాయణ ఆధ్వర్యంలో శుక్రవారం మధురవాడ స్వతంత్ర నగర్ లో మలేరియా డెంగీ దోమలు ఏవిధంగా వృద్ధి చెందుతాయో నివారణపై వేపాకుల పొగ, దోమలకు సెగ, డ్రైడే ఫ్రైడే అంటూ పరిసర ప్రాంతాలలో ర్యాలీ నిర్వహించారు.
ఈ కార్యక్రమంలో ముఖ్య అతిధిగా 7వవార్డ్ కార్పొరేటర్, స్టాండింగ్ కమిటీ మెంబెర్ పిళ్ళా మంగమ్మ, పిళ్ళా వెంకటరావు పాల్గొన్నారు. ర్యాలీ అనంతరం సచివాలయం వద్ద కార్పొరేటర్ పిళ్ళా మంగమ్మ మాట్లాడుతూ నీరు నిల్వ లేకుండా, పరిసరాలను పరిశుభ్రంగా ఉంచటంతోనే దోమలను నివారించవచ్చని దోమలు ఎందువలన ఏ విధంగా వృద్ధి చెందుతాయో చూపిస్తూ ప్రజలకు వివరించారు. దోమలను నివారించటం వలన తద్వారా ఆరోగ్యంగా ఉండవచ్చని అవగాహన కల్పించారు. ఈ కార్యక్రమంలో సూపెర్వైసర్ సత్యనారాయణ మాట్లాడుతూ ఇంట్లో నిరూపయోగంగా ఉన్న, ఉపయోగంలో ఉన్న బాటిల్, టైర్లు, మొక్కల కుండీలలో ఫ్రిడ్జ్ వెనుక, కొన్ని వస్తువులలో నీరు నిల్వ ఉండటంతో లార్వా తయారయ్యి మలేరియా, డెంగీ దోమలు వృద్ధి చెందుతాయని కావున ప్రజలు వీటిని గుర్తించి నీరు నిల్వ లేకుండా చూసుకోవాలని, అలాగే ప్రతీ శుక్రవారం ట్యాంకులు, డ్రమ్ములను శుభ్రపరిచి డ్రై డే ఫ్రైడే గా చూసుకోవాలని తగు సూచనలు చేసారు. ఈ కార్యక్రమంలో 7వ వార్డ్ శానిటేషన్ ఇన్స్పెక్టర్ సంతోష్, ఏ ఎన్ ఎమ్ లు, ఆశా వర్కర్లు, సచివాలయం శానిటేషన్ సిబ్బంది, మలేరియా సిబ్బంది లక్ష్మి, భవాని, దుర్గ, సంతోషి, బాలకృష్ణ, జగదీశ్, తదితర సిబ్బంది పాల్గొన్నారు.
