ప్రజా సౌకర్యార్థమై థీమ్ పార్కుల అభివృద్ధి :
జివిఎంసి కమిషనర్ సిఎం సాయికాంత్ వర్మ:
ఈ సందర్భంగా కమిషనర్ మాట్లాడుతూ యోగా థీమ్ పార్కులో పచ్చదనంతో కూడిన అందమైన మొక్కలను ఏర్పాటు చేయాలని, ఆకర్షణీయమైన విద్యుత్ అలంకరణ, ప్రధాన గేటు ఏర్పాటు చేసి వెంటనే ప్రజలకు అందుబాటులోకి తీసుకురావాలని డిప్యూటీ డైరెక్టరు ఆఫ్ హార్టికల్చర్ ఎం.దామోదరావును, పర్యవేక్షక ఇంజనీరు శాంసన్ రాజు ను ఆదేశించారు. స్పోర్ట్స్ థీమ్ పార్కులోని వాలీబాల్, షటిల్, క్రికెట్ నెట్ ప్రాక్టీస్ మల్టీప్లై గ్రౌండ్ పరిశీలించి గ్రీనరీ కొరకు ఆకర్షణమైన మొక్కలను నాటాలని డిడిహెచ్ ను ఆదేశించారు. వై ఎల్ పి థీమ్ పార్కులో కెనోపి చెట్లతోపాటు 75 శాతం పార్కు పచ్చదనం నిండి ఉండేలా, అలాగే వై ఎల్ పి పార్కు అభివృద్ధి కొరకు నివాసిత సంక్షేమ సంఘాన్నిఏర్పాటు చేయాలని, ప్రజలకు ఆహ్లాదం కలిగించేలా పార్కులను అభివృద్ధిపరిచి, త్వరతగతిన ప్రజలకు అందుబాటులోకి తీసుకురావాలని అధికారులను ఆదేశించారు. కొమ్మాది జంక్షన్ లో జరుగుతున్న అభివృద్ధి పనులను పరిశీలించారు. నేషనల్ రోడ్డు నందు లా కాలేజీ జంక్షన్ వద్ద ఉన్న బస్ స్టాప్ రోడ్డు మధ్యలో ఉన్నందున ట్రాఫిక్ అంతరాయం కలుగుతున్నందున “వి” కన్వెన్షన్ సెంటర్ ఎదురుగా విశాలమైన స్థలాన్ని సూచించి అచ్చటకు మార్పు చేయుటకు ప్రతిపాదనలు సిద్దం చేయాలని జోనల్ కమిషనర్ కనకమహాలక్ష్మిని కమిషనర్ ఆదేశించారు.
ఈ పర్యటనలో ఏ.ఎం.ఓ.హెచ్ కిషోర్, ఉప కార్యనిర్వాహక ఇంజనీరు వంశీ, సహాయక ఇంజనీర్ సురేష్ తదితరులు పాల్గొన్నారు.
