ప్రథమ సమాచార నివేదిక(F. I. R) (Under Section 154 of criminal Procedure code)
దీనిని ఇంగ్లీషులో ఫస్ట్ ఇన్ఫర్మేషన్ రిపోర్ట్ అంటారు. వాడుకలో ఎఫ్.ఐ.ఆర్ గా ఇది బాగా ప్రచారంలో ఉంది. ఈ నివేదిక (ఎఫ్.ఐ.ఆర్) చాలా ముఖ్యమైనది . దీనిలో ఏముంటాయి? కేసుకు సంబంధించిన ముఖ్యమైన వివరాలు దీనిలో ఉంటాయి. ఫిర్యాదు చేసింది ఎవరు, ఈ నివేదిక తయారు చేసింది ఎవరు, ఏ నేరం జరిగింది, ఎక్కడ జరిగింది, ఎప్పుడు జరిగింది, నేరం ఎవరు చేశారు, నేరం జరుగుతున్నప్పుడు చూసింది ఎవరు, గాయపడిన వారు ఎవరు, చనిపోయినవారు ఎవరు మొదలైన వివరాలు అందులో ఉంటాయి. నేరం జరగగానే పైన చెప్పిన వివరాలు అన్నీ వ్రాసి పోలీసు స్టేషన్కు అందజేయాలి. ఆ ఫిర్యాదును పోలీసులు తీసుకొని ఎవరు తెచ్చి ఇచ్చారు? ఏ సమయంలో అది వారికి చేరింది వ్రాసుకొని దానిని వేరే నివేదికగా తయారు చేసి వెంటనే మేజిస్ట్రేటుకు అందజేస్తారు. దీనినే ఎఫ్.ఐ.ఆర్ (ప్ర.స.సి) అని అంటారు. ఇది ప్రమాదకరమైన నేరాల విషయంలో స్వయంగా మేజిస్ట్రేటుకు ఆందజేయాలి. ఆయన దానిని తనకు ఎవరు తీసుకువచ్చారు, ఏ సమయంలో తీసుకు వచ్చారో ఆ నివేదిక పై వ్రాయాలి. దానిపై ఆయన సంతకం చేయాలి. మామూలు నేరాల విషయంలో అయితే కోర్టుకు అందజేయవచ్చు.
