అయ్యన్న ఇంటి గోడను కూల్చటాన్ని ఖండిస్తున్నాం - టిఎన్ఎస్ఎఫ్ రాష్ట్ర అధికార ప్రతినిధి :లెంకా సురేష్
విశాఖ లోకల్ న్యూస్ :భీమిలి ప్రతినిధి 
*భీమునిపట్నం* : నర్సీపట్నం లో చట్ట విరుద్ధంగా మాజీ మంత్రి చింతకాయల అయ్యన్నపాత్రుడు ఇంటి గోడను కూల్చటాన్ని తెలుగునాడు విద్యార్థి సమైక్య తరుపున ఖండిస్తున్నామని రాష్ట్ర అధికార ప్రతినిధి లెంక సురేష్ అన్నారు. తెలుగుదేశం పార్టీ ప్రజాధారణ చూసి ఓర్వలేక అయ్యన్నపాత్రుడి గొంతు నొక్కెందుకు వైకాపా ప్రభుత్వం ప్రయత్నిస్తోందని, నర్సీపట్నం పులిని చూసి పిల్లిలు ల భయపడుతున్నారు అని విమర్శించారు. ఓటమి భయంతోనే వైకాపా ప్రభుత్వం ఇలా తెలుగుదేశం పార్టీ నాయకుల ఇళ్ల పై దాడులను చేయిస్తుందని అన్నారు. ఇప్పటికైనా ఇలాంటి పిరికి చర్యలు మానుకుంటే మంచిదని, లేదంటే భవిష్యత్ లో వైకాపా కు గడ్డుకాలం తప్పదని హెచ్చరించారు. ఈ కార్యక్రమంలో భీమిలి నియోజకవర్గ అధ్యక్షులు బోని సురేష్, ప్రధాన కార్యదర్శి కోరాడ వైకుంఠ రావు, ఉపాధ్యక్షులు కంటుబోతు సుమంత్ నాయుడు తదితరులు పాల్గొన్నారు.
